Azərbaycan nefti ucuzlaşıb

Dünya bazarlarında “Azeri Light” markalı Azərbaycan neftinin bir barelinin qiyməti 1,13 ABŞ dolları (1,72%) azalaraq 64,6 ABŞ dollarına enib.

Hərracların nəticələrinə görə, “Brent” markalı neftin mart fyuçersləri 61,89 ABŞ dolları səviyyəsində formalaşıb.

Türkiyənin Ceyhan limanında FOB şərtləri ilə satılan “Azeri Light”ın qiyməti isə 1,19 ABŞ dolları (1,86%) azalaraq 62,8 ABŞ dolları olub.

Azərbaycanda 2026-cı il dövlət büdcəsində bir barel neftin orta qiyməti 65 ABŞ dolları səviyyəsində nəzərdə tutulub. Son qiymət dinamikası “Azeri Light”ın büdcə proqnozundan təxminən 0,4 ABŞ dolları aşağı ticarət olunduğunu göstərir.

“Azeri Light” neftinin minimum qiyməti 2020-ci il 21 aprel tarixində 15,81 ABŞ dolları, maksimum qiyməti isə 2008-ci ilin iyulunda 149,66 ABŞ dolları olub.

Bu marka üzrə hasilat “Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində aparılır.

Müqavilədə SOCAR-ın payı 31,65% təşkil edir.

Aytac