Ötən il külək və günəş enerjisi istehsalı artıb

2025-ci ildə  Azərbaycanda elektrik enerjisinin istehsalı 262,3 mln. kVt·st, yəni 0,9 % artaraq 28 657,5 mln. kVt·st olub. Bu barədə Energetika Nazirliyindən bildirilib.

Bildirilib ki, elektrik stansiyalarında 169,7 milyon kVt·st, günəş elektrik stansiyalarında 599,8 milyon kVt·st, Bərk Məişət Tullantılarının Yandırılması Zavodunda isə 222,1  milyon kVt·st elektrik enerjisi istehsal edilib.

2024-cü illə müqayisədə külək və günəş elektrik stansiyalarında 162,3 milyon kVt·st
artımla 769,5 milyon kVt·st elektrik enerjisi istehsal edilib.

2025-ci ildə elektrik enerjisinin istehsalı “Azərenerji” ASC üzrə 25 591,8 milyon 
kVt·st (İES-lərdə 22 703,6 mln. kVt·st, SES-lərdə 2 827,1 mln. kVt·st, GES-lərdə 61,1
mln. kVt·st), “Azərişıq” ASC üzrə külək elektrik stansiyalarında 27,0 mln. kVt·st,
müstəqil elektrik stansiyaları üzrə isə 3 038,7 mln. kVt·st təşkil edib.

Hesabat dövründə elektrik enerjisinin ixracı 1 147,3 milyon. kVt·st, idxalı isə 177,2
mln. kVt·st olub.