ABŞ Venesuela neft tankerlərinin müsadirəsi üçün məhkəməyə müraciət edib

ABŞ administrasiyası Venesuela neftinin daşınması ilə məşğul olan əlavə tankerlərin müsadirəsi üçün məhkəmədən qərar istəyib. Bu barədə Reuters-in mənbələri məlumat  verib. 

Məlumatda bildirilir ki, əsas müraciətlər ABŞ-ın paytaxtı Vaşinqtondakı rayon məhkəmələrində mülki girov iddiaları şəklində qaldırılıb.

Mənbələr qeyd edir ki, 9 yanvarda gəmilərin saxlanılması müvəqqəti dayandırılsa da, ABŞ administrasiyası icazəsiz neft daşınan gəmilərə qarşı tədbirləri bərpa etməyə hazırdır.

Yanvarın 12-də Ağ Evin mətbuat katibi Kerolin Livit jurnalistlərə açıqlamasında bildirib ki, ABŞ hakimiyyət orqanlarının icazəsi olmadan Venesueladan çıxan bütün tankerlər hələ də saxlanıla bilər.

Aytac