“Azeri Light” nefti ucuzlaşıb

Dünya bazarlarında “Azeri Light” markalı Azərbaycan neftinin bir barelinin qiyməti 0,04 ABŞ dolları və ya 0,06% azalaraq 71,71 ABŞ dollarına enib.

Hərracların nəticələrinə görə, “Brent” markalı neftin mart fyuçersləri 68,79 ABŞ dolları səviyyəsində formalaşıb.

Türkiyənin Ceyhan limanında FOB bazasında “Azeri Light”in bir bareli 0,09 ABŞ dolları və ya 0,13% ucuzlaşaraq 69,53 ABŞ dolları olub.

Azərbaycanın 2026-cı il dövlət büdcəsində bir barel neftin orta qiyməti 65 ABŞ dolları səviyyəsində nəzərdə tutulub. “Azeri Light” neftinin tarixi minimum qiyməti 2020-ci il aprelin 21-də 15,81 ABŞ dolları, maksimumu isə 2008-ci ilin iyulunda 149,66 ABŞ dolları olub. Bu marka “Azəri-Çıraq-Günəşli” (AÇG) yataqlar blokundan hasil edilir; layihədə SOCAR-ın payı 31,65% təşkil edir.