“Azeri Light” nefti ucuzlaşıb

Dünya bazarında “Azeri Light” markalı Azərbaycan neftinin qiyməti  azalaraq bir barel üçün 69,29 ABŞ dollarına enib. Bu, əvvəlki göstərici ilə müqayisədə 2,42 dollar və ya 3,37% ucuzlaşma deməkdir.

Hərracların nəticələrinə görə, “Brent” markalı neftin mart fyuçersləri 66,31 ABŞ dolları səviyyəsində formalaşıb ki, bu da qlobal bazarda eniş trendinin davam etdiyini göstərir.

Eyni zamanda, Türkiyənin Ceyhan limanında FOB bazasında “Azeri Light”in qiyməti 2,54 dollar (3,65%) azalaraq 66,99 ABŞ dollarına düşüb.

Azərbaycanın 2025-ci il dövlət büdcəsində neftin bir bareli üzrə orta qiymət 65 ABŞ dolları səviyyəsində nəzərdə tutulub. Mövcud qiymət büdcə göstəricisindən hələlik yuxarı qalsa da, son enişlər fiskal riskləri artıran faktor kimi qiymətləndirilir.

“Azeri Light” markalı neftin minimum qiyməti 2020-ci il 21 aprel tarixində 15,81 dollar, maksimum qiyməti isə 2008-ci ilin iyulunda 149,66 dollar olub. Neft “Azəri–Çıraq–Günəşli” (AÇG) yataqlar bloku çərçivəsində hasil edilir, bu layihədə SOCAR-ın payı 31,65% təşkil edir.