Ekspert İlham İsmayıl reanimasiyaya yerləşdirilib

Ekspert İlham İsmayıl səhhətində yaranan ciddi problem səbəbilə xəstəxanaya yerləşdirilib.

“Qafqazinfo”nun məlumatına görə, bu barədə onun bacısı Bəsti İsmayıl sosial şəbəkə paylaşımında bildirib. Paylaşımda qeyd olunub ki, İlham İsmayıl daxili qanaxma diaqnozu ilə Dövlət Təhlükəsizliyi Xidmətinin (DTX) hospitalına aparılıb.

Məlumata əsasən, ekspert hazırda Reanimasiya şöbəsində müalicə alır. Səhhətinin vəziyyəti ilə bağlı əlavə detallar açıqlanmayıb.

İlham İsmayıl mediada təhlükəsizlik və regional proseslərlə bağlı şərhləri ilə tanınır.