Xankəndi, Xocalı və Ağdərədə 20 Yanvar faciəsinin xatirəsi anılıb

Xankəndi şəhərində, Xocalı və Ağdərə rayonlarında 20 Yanvar faciəsinin 36-cı ildönümü ilə əlaqədar anım tədbirləri keçirilib.

Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, saat 12:00-da Azərbaycanın digər bölgələrində olduğu kimi, Xankəndi, Xocalı və Ağdərədə də şəhidlərin xatirəsi bir dəqiqəlik sükutla yad olunub. Şəhərdə nəqliyyat və piyadaların hərəkəti dayandırılıb, avtomobillərin siqnal səsi ilə şəhidlər anılıb, bayraqlar isə yarıya qədər endirilib.