Bakı metrosunda interval azaldılıb, “Xətlərin ayrılması” layihəsinə başlanacaq

“Bakı Metropoliteni” QSC-nin mətbuat katibi Bəxtiyar Məmmədov bildirib ki, hazırda qatarlara ən minimum interval tətbiq olunub və intervalın azaldılması texniki proses kimi həyata keçirilir.

Onun sözlərinə görə, “İçərişəhər” dönmə kamerası intervalların azaldılmasına xidmət edəcək və yaxın gələcəkdə bununla bağlı genişmiqyaslı işlərə başlanacaq.

B. Məmmədov əlavə edib ki, bu il “Xətlərin ayrılması” layihəsi üzrə prinsipial işlərə start veriləcək, növbəti il isə xətlərin fiziki ayrılması tamamlanacaq. Həmçinin, iki elektrik yarımstansiyasının inşasına başlanılması planlaşdırılır.