Qurban Qurbanovdan qələbə şərhi

Azərbaycan çempionu “Qarabağ”ın baş məşqçisi Qurban Qurbanov UEFA Çempionlar Liqasının əsas mərhələsinin VII turunda Almaniyanın “Ayntraxt” (Frankfurt) klubuna qarşı 3:2 hesablı qələbə münasibətilə komandanın azarkeşlərini və futbolçularını təbrik edib və bu nəticədən Azərbaycan futbolu üçün məmnunluğunu bildirib.

Qurbanov mətbuat konfransında soyuq havada stadionu dolduran tərəfdarların dəstəyini yüksək qiymətləndirdiyini, qələbənin azarkeşlərin haqqı olduğunu qeyd edib. O, meydanda intizamlı oyun nümayiş etdirdiklərini vurğulayıb və futbolçularını da təbrik edib. “Azərbaycan futbolu adına çox sevinirəm”, – deyə o əlavə edib.

29 yanvar səfərdə İngiltərənin “Liverpul” klubu ilə qarşılaşacaqlarını xatırladan Qurbanov oyun üçün inamlı olduqlarını bildirib və futbolçularından çəkinmədən mübarizə aparmalarını istədiyini söyləyib. Onun sözlərinə görə, “Liverpul”un azarkeşləri çox aqressiv və davakar olsalar da, komandası İngiltərədə də bu günki performansın davamını gətirə bilər.