Deputat yenidən həkim rezidentlərin əməkhaqqı məsələsinə toxunub

Rezidentlər hazırda təqaüd formatında ödəniş alır və bu, əsl əməkhaqqı hesab edilə bilməz. Bunu səhiyyə komitəsinin üzvü deputat Rəşad Mahmudov deyob.

Deputat dinləmə formatında məsələni müzakirə etməyi təklif edib. 

"Həkim rezidentlərin əmək haqqı məsələsi müzakirə edilməlidir. Rezidentlər hazırda təqaüd xarakterli ödəniş alırlar. Bu əmək haqqı deyil. Bu, maliyyə çatışmazlığı ilə bağlı məsələ də deyil. Sadəcə arada olan bir boşluq var və bu mövzunu dinləmə formatında keçirtsək yaxşı olar", - deputat bildirib. 

Komitə sədri Əhliman Əmiraslanov isə qeyd edib ki, rezidentlərin maaşı həkimlərin orta əməkhaqqı səviyyəsinə uyğun müəyyən edilir və xəstəxananın gəlirindən əlavə ödəniş mexanizmi olmalıdır.

"Burada dinləməyə aid məsələ yoxdur. Rezidentlərin aldığı maaş həkimlərin orta əmək haqqına bərabərdir. Həkimlərin maaşı qalxdıqca rezidentlərin də maaşı qalxacaq. Nə dərəcədə mümkün olacaq ki, xəstəxananın qazandığı gəlirdən rezidentlərə əlavə maaş verilsin? Bunun bir mexanizmi olmalıdır. Buna maneə olaraq deyəcəklər ki, rezidentlərdir. Bu məsələni müzakirə etmək lazımdır", - komitə sədri bildirib. 

Onun sözlərinə görə, icbari tibbi sığorta sertifikatı olmayan həkim maaş ala bilmir və məsələnin qaydaya salınması üçün aiddyatı qurumlarla müzakirəsi vacibdir.

Gülnar Nazimqızı