Nazir: Qəbələdə içki zavodu idxaldan asılılığın azalmasına və məşğulluğa töhfə verəcək

Qəbələdə alkoqollu və alkoqolsuz içkilərin istehsalı zavodunun tikintisi layihəsinin rəqabətqabiliyyətli məhsulların istehsalı, məşğulluğun təşviqi və idxaldan asılılığın azaldılması baxımından perspektivləri müzakirə olunub. Bu barədə iqtisadiyyat naziri Mikayıl Cabbarov “X” sosial şəbəkəsində paylaşım edib.

Nazirin məlumatına görə, “Gabala Beverage Company” şirkətinin təsisçisi Sezar Çöçelli ilə görüşdə şirkətlə əməkdaşlıq imkanları və yeni biznes təşəbbüsləri nəzərdən keçirilib.

Görüşdə regionlara investisiyaların cəlbi, Qəbələdə planlaşdırılan istehsal müəssisəsinin tikintisi üzrə görülən işlər və layihənin iqtisadi təsirləri diqqətə çatdırılıb.