Sülh müqaviləsinin imzalanması üçün parlamentin razılığı vacibdir - Deputat

Hər hansı sülh sazişinin imzalanması üçün Milli Məclisin razılığı zəruridir və müqavilənin parlamentdə müzakirə olunması vacibdir. Bunu deputat Qüdrət Həsənquliyev bildirib.

O qeyd edib ki, bu səbəbdən məsələ yaz sessiyasının gündəliyinə daxil edilməlidir.

Həsənquliyev həmçinin bildirib ki, hazırda Azərbaycandan Ermənistana yük daşımaları həyata keçirilir. Onun sözlərinə görə, əgər yük daşımaları mövcuddursa, Azərbaycan Ermənistanla əlaqəli dəmir yolu xəttini bərpa etmək imkanına malikdir.

Deputat vurğulayıb ki, bu addımlar yalnız yükdaşımalarla məhdudlaşmır, həm də regionda iqtisadi və nəqliyyat əlaqələrinin normallaşdırılması baxımından strateji əhəmiyyət daşıyır. 

Gülnar Nazimqızı