Putin və Si Cinpin Ukrayna münaqişəsinin sülh yolu ilə həllini müzakirə ediblər

Rusiya prezidenti Vladimir Putin Çin prezidenti Si Cinpinlə Ukrayna münaqişəsinin sülh yolu ilə həlli imkanlarını müzakirə edib.

Rusiya prezidentinin köməkçisi Yuri Uşakovun bildirdiyinə görə, tərəflər görüş zamanı ən aktual beynəlxalq məsələlərə diqqət yetiriblər. Uşakov qeyd edib ki, hazırda dünyanın bir sıra bölgələrində gərgin və potensial partlayıcı vəziyyətlərin yarandığı şəraitdə bu mövzular xüsusi əhəmiyyət kəsb edir.

Onun sözlərinə görə, danışıqlarda İran ətrafındakı vəziyyət də müzakirə olunub.

Putin və Si Cinpin bu gün qapalı formatda videokonfrans keçirib. Görüş təxminən 1,5 saat davam edib.

Aytac