Nazir Çinlə münasibətlərdən danışıb

Çin ilə qurulan hərtərəfli strateji tərəfdaşlıq Azərbaycanın xarici siyasətinin prioritet istiqamətidir.  Bu barədə  Azərbaycanın xarici işlər naziri Ceyhun Bayramov "Global Times"a müsahibəsində məlumat verib

Bayramov qeyd edib ki, 2025-ci ildə imzalanmış Birgə Bəyannamə Azərbaycan–Çin münasibətlərini keyfiyyətcə yeni mərhələyə qaldırıb.

Tərəfdaşlığın əsas sütunları ölkə liderləri arasındakı qarşılıqlı siyasi inam, ekonomik əməkdaşlıq və “Orta Dəhliz” layihəsinin Çinin qlobal təşəbbüsləri ilə uyğunlaşdırılmasıdır.

Azərbaycan Çini mühüm iqtisadi tərəfdaş hesab edir və bərpa olunan enerji, yaşıl texnologiyalar və rəqəmsal transformasiya sahələrində birgə layihələrə maraqlıdır.

"Orta Dəhliz” layihəsi Azərbaycan vasitəsilə Avropa və Asiyanı birləşdirən nəqliyyat və logistika infrastrukturunu əhatə edir və Çin tərəfindən irəli sürülən “Bir Kəmər, Bir Yol” təşəbbüsü ilə inteqrasiya olunur. Ekspertlər bildirirlər ki, Azərbaycanın Çin ilə strateji tərəfdaşlığı ölkənin qlobal ticarət mövqeyinin gücləndirilməsi və enerji diversifikasiyası baxımından əhəmiyyətlidir.

Aytac