Yanvarda nə qədər sərnişin daşınıb?

Bu ilin yanvar ayında Azərbaycan Dəmir Yolları QSC-nin ölkədaxili marşrutları və Abşeron dairəvi dəmir yolu ilə ümumilikdə 856 min 201 sərnişin daşınıb. Bu barədə qurumdan bildirilib. 

Bu göstərici 2025-ci ilin yanvar ayı ilə müqayisədə 20% artıb. Ötən ilin eyni dövründə ADY ilə 713 min 696 sərnişin daşınmışdı.

Cari ilin ilk ayında ölkədaxili marşrutlar üzrə 47 min 859 sərnişin daşınıb ki, bu da illik müqayisədə 21% artım deməkdir.

Abşeron dairəvi dəmir yolu ilə daşınan sərnişinlərin sayı isə 808 min 342 nəfər təşkil edib. Bu göstərici də ötən ilin yanvar ayına nisbətən 20% çoxdur.

Aytac