Azərbaycan nefti ucuzlaşıb

Dünya bazarında “Azeri Light” markalı Azərbaycan neftinin qiyməti azalıb. Bir barelin dəyəri 0,07 ABŞ dolları (0,1 %) ucuzlaşaraq 71,14 ABŞ dolları olub.

Hərracların nəticələrinə görə, “Brent” markalı neftin aprel fyuçersləri 72,04 ABŞ dolları səviyyəsində qərarlaşıb.

Türkiyənin Ceyhan limanında FOB bazasında “Azeri Light” markalı Azərbaycan neftinin qiyməti də 0,07 ABŞ dolları (0,1 %) azalaraq 68,65 ABŞ dolları təşkil edib.

Azərbaycanın 2026-cı il dövlət büdcəsində neftin orta qiyməti 65 ABŞ dolları səviyyəsində nəzərdə tutulub. Bu isə hazırkı qiymətin büdcə proqnozundan təxminən 6,14 dollar yüksək olduğunu göstərir.

“Azeri Light” nefti “Azəri-Çıraq-Günəşli” (AÇG) yataqlar blokunun işlənməsi çərçivəsində hasil olunur. Müqavilədə Azərbaycan Dövlət Neft Şirkətinin (SOCAR) payı 31,65 % təşkil edir.