Azərbaycan nefti ucuzlaşıb

Dünya bazarında Azərbaycan mənşəli “Azeri Light” markalı neftin qiyməti 2,17 ABŞ dolları (3%) azalaraq 70,03 ABŞ dolları/barel səviyyəsinə düşüb.

Hərracların nəticələrinə görə, “Brent” markalı neftin aprel fyuçersləri 67,36 ABŞ dolları/barel səviyyəsində formalaşıb.

Azərbaycanın 2026-cı il dövlət büdcəsində bir barel neftin orta qiyməti 65 ABŞ dolları götürüldüyündən, “Azeri Light” hazırda büdcə proqnozundan 5,03 dollar yüksək qalır.

Azərbaycan nefti Xəzər dənizində yerləşən Azəri‑Çıraq‑Günəşli yataqlar blokundan hasil olunur. Layihədə SOCAR-ın payı 31,65% təşkil edir.