FHN: Ötən həftə 191 yanğın hadisəsinə müdaxilə edilib

Ötən həftə ərzində baş verən hadisələr zamanı 50 nəfəri xilas edib, 6 nəfər isə ölüb. Bu barədə Fövqəlada Hallar Nazirliyindən bildirilib. 

Bildirilib ki, Nazirliyin “112” qaynar telefon xəttinə daxil olan müraciətlər əsasında ötən həftə ərzində müvafiq qurumlar tərəfindən 191 yanğın hadisəsinə çıxış, 39 köməksiz vəziyyətdə qalma faktı və 2 yol-nəqliyyat hadisəsi üzrə qəza-xilasetmə əməliyyatları həyata keçirilib.

Görülmüş təcili tədbirlər nəticəsində yanğınların operativ söndürülməsi və insanların həyatının xilas olunması təmin edilib.

Ümumilikdə, hesabat dövründə 12-si azyaşlı olmaqla 50 nəfər xilas edilib, 5 nəfər xəsarət alıb, 39 nəfər təxliyə olunub, hadisələr zamanı 6 nəfər həlak olub.

Gülnar