AKİA payızlıq əkinlər üzrə subsidiya ödənişlərinə başlayıb

Aqrar Kredit və İnkişaf Agentliyi (AKİA) 2025–2026-cı əkin ili üzrə subsidiya ödənişlərinin ilkin mərhələsinə start verib.

Payızlıq əkinlər üzrə 217 min 617 fermerin kartına ümumilikdə 77 milyon 154 min manat subsidiya köçürülüb.

Ödənişlər təxminən 391 min hektar əkin sahəsini əhatə edir.

Agentlik bildirib ki, fermerlər kartlarına köçürülmüş vəsaitin 25 %-ni nağd, 75 %-ni isə qeyri-nağd qaydada istifadə edə bilərlər. Qeyri-nağd vəsaitlər mineral gübrə, pestisid, biohumus, herbisid və toxumların alınmasına yönəldilə bilər. Subsidiyalar həmçinin meyvə bağlarında müasir suvarma sistemlərinin alınması və quraşdırılmasına sərf oluna bilər.

Hazırda payızlıq əkinlərlə bağlı bəyan edilmiş məlumatların və torpaq sənədlərinin yoxlanılması davam edir. Monitorinqləri başa çatan və tələb olunan sənədləri sistemə daxil edən fermerlərə ödənişlər mərhələli qaydada həyata keçirilir.

AKİA subsidiya ödənişlərinin davam etdiriləcəyini açıqlayıb.

Gülnar