Yanvarda Azərbaycanda qeydiyyatla bağlı 23 mindən çox əcnəbi müraciət edib

Azərbaycanda olduğu yer üzrə qeydiyyata alınma ilə bağlı yanvarda 23 046 əcnəbi və vətəndaşlığı olmayan şəxs müraciət edib.

Dövlət Miqrasiya Xidməti-nin məlumatına görə, müraciətlərin 12 360-ı birbaşa, 10 686-sı isə elektron qaydada təqdim olunub.

Ötən ay ərzində 5 934 nəfərin ölkədə yaşama icazəsinin alınması və müddətinin uzadılması, 79 nəfərin isə vətəndaşlıq məsələləri ilə bağlı müraciəti qeydə alınıb.

Hesabat dövründə 586 əcnəbi və vətəndaşlığı olmayan şəxs Azərbaycanda ödənişli əmək fəaliyyəti ilə məşğul olmaq üçün iş icazəsinin alınması və ya müddətinin uzadılması məqsədilə müraciət edib.

Aytac