Vaşinqton İrana zərbə variantını müzakirə edir – qərar hələ verilməyib

ABŞ Prezidenti Donald Tramp İrana qarşı mümkün hərbi zərbələrin vaxtını, o cümlədən bu həftəsonu həyata keçirilməsi ehtimalını müzakirə edib.

CNN telekanalı mənbələrə istinadən xəbər verir ki, çərşənbə günü milli təhlükəsizlik üzrə yüksək vəzifəli rəsmilər Trampa bildiriblər ki, hərbçilər artıq bu şənbə mümkün zərbələrə hazırdır.

Bununla belə, istənilən hərbi addımın vaxtının bu həftəsonundan sonraya qala biləcəyi qeyd olunur. Rəsmilər bildirirlər ki, Tramp hələlik zərbə endirilib-endirilməməsi ilə bağlı yekun qərar qəbul etməyib.

CNN-in həmsöhbətlərindən biri bildirib ki, Tramp qapalı müzakirələrdə həm hərbi əməliyyatların lehinə, həm də əleyhinə fikirlər səsləndirib, eyni zamanda müşavirləri və müttəfiqləri ilə ən uyğun addım barədə məsləhətləşmələr aparıb.

“Bu məsələ üzərində çox düşünür”, – mənbə qeyd edib.

N.Təbrizli