Ermənistanda Çikunqunya qızdırması halı qeydə alınıb

Ermənistanda Çikunqunya qızdırması hadisəsi aşkar olunub. Xəstə Seyşel adalarında ağcaqanad sancmasından yoluxub və hazırda sağlamlıq vəziyyəti qənaətbəxşdir. Bu barədə ölkə mətbuatı məlumat verib. 

Məlumata görə, xəstəliyin gizli dövrü 2-12 gündür. Əsas simptomlar- qızdırma, oynaq və əzələ ağrısı, dəri səpgisi, halsızlıq olur.  İnfeksiya yalnız ağcaqanad sancması yolu ilə ötürülür, insandan insana keçmir. Spesifik müalicə yoxdur, peyvənd geniş istifadə olunmayıb.

Risk qrupları: yaşlılar, xroniki xəstəlikləri olanlar və hamilə qadınlar. Ölüm halları nadirdir və yoluxanlarda təxminən 0,1% təşkil edir.

Aytac