Jurnalistlərin ixtisaslaşması və rəqəmsal savadlılıq medianın keyfiyyətini artırır – Natiq Məmmədli

Jurnalistlər hər hansı mövzuda yazarkən həmin sahə üzrə ixtisaslaşmalı və əsas anlayışları dərindən bilməlidirlər Bunu Medianın İnkişafı Agentlinin sədr müavini Natiq Məmmədli deyib. 

Onun sözlərinə görə, vətəndaş şikayətlərinin araşdırılması zamanı da ixtisaslaşma jurnalistin işini daha effektiv edir və araşdırmaların keyfiyyətini artırır.

O qeyd edib ki, jurnalistlərin rəqəmsal savadlılığının artırılması ciddi müsbət nəticələr verə bilər. Bu istiqamətdə keçirilən tədbirlərə minlərlə insanın cəlb olunduğunu deyən Məmmədli, cəmiyyətin mütəmadi olaraq dezinformasiya ilə üzləşdiyini vurğulayıb.

Onun sözlərinə görə, Azərbaycanın beynəlxalq nüfuzu artdıqca ölkə haqqında yanlış məlumatların yayılması halları da müşahidə olunur və ictimaiyyət doğru xəbərləri ayırd etməyi bacarmalıdır.

Gülnar Nazimqızı