Türkiyədə hərbi F-16 qəzaya uğradı, pilot həlak oldu

25 fevral 2026-cı il gecəsi Balıkesir bölgəsində Türkiyə Hərbi Hava Qüvvələrinə məxsus F-16 qırıcı təyyarəsi qəzaya uğrayıb. Bu barədə Yeni Akit qəzetinin məlumatında qeyd olunub. 

Hadisə yerli vaxtla saat 00:50 radələrində, 9-cu Hava Bazası Komandanlığı tərkibində xidməti uçuş həyata keçirən təyyarə ilə əlaqənin kəsilməsindən sonra baş verib. Xilasedicilər təyyarənin qalıqlarını İzmir-İstanbul magistral yolunun yaxınlığında, Karay rayonunda aşkar ediblər.

Qəza nəticəsində pilot, aviasiya mayoru İbrahim Bolat həlak olub. Türkiyə hakimiyyəti onun ölümünü rəsmi şəkildə təsdiqləyib.

Hadisə yerinə yanğınsöndürənlər, təcili yardım briqadaları və hüquq-mühafizə orqanlarının əməkdaşları cəlb olunub, magistral yolda nəqliyyatın hərəkəti müvəqqəti məhdudlaşdırılıb.

Türkiyə Milli Müdafiə Nazirliyi qəzanın səbəbinin hələlik məlum olmadığını, araşdırmanın Aviasiya Qəzası Araşdırma Komissiyası tərəfindən aparıldığını bildirib.

Hadisə ilə bağlı Balıkesir Prokurorluğu tərəfindən də rəsmi istintaqa başlanılıb.

Aytac