Azərbaycan nefti ucuzlaşıb

Dünya bazarında “Azeri Light” markalı Azərbaycan neftinin bir barelinin qiyməti 0,51 ABŞ dolları və ya 0,71 % azalaraq 71,46 ABŞ dolları səviyyəsində olub.

Hərracların nəticələrinə görə, “Brent” markalı neftin aprel fyuçerslərinin qiyməti 70,79 ABŞ dolları təşkil edib.

Türkiyənin Ceyhan limanında FOB bazasında “Azeri Light” neftinin bir bareli 0,43 ABŞ dolları və ya 0,62 % azalaraq 68,93 ABŞ dolları olub.

Qeyd olunur ki, Azərbaycanın 2026-cı il dövlət büdcəsində bir barel neftin orta qiyməti 65 ABŞ dolları hesablanıb.

Tarixi məlumatlara görə, “Azeri Light” neftinin ən aşağı qiyməti 2020-ci il aprelin 21-də 15,81 ABŞ dolları, maksimal qiyməti isə 2008-ci ilin iyul ayında 149,66 ABŞ dolları qeydə alınıb.

Azərbaycanın bu markalı nefti “Azəri-Çıraq-Günəşli” (AÇG) yataqlar blokundan hasil edilir. Həmin müqaviləyə əsasən Azərbaycan Dövlət Neft Şirkətinin (SOCAR) payı 31,65 % təşkil edir.