Azərbaycan qaz ixrac etdiyi ölkələrin sayına görə dünyada birincidir – Prezident

Azərbaycanın boru kəmərləri vasitəsilə qaz tədarük etdiyi ölkələrin sayı 16-ya çatıb və bu göstərici ilə ölkə dünyada birinci yerdədir. Bu barədə Prezident İlham Əliyev sosial media hesablarında paylaşım edib.

Paylaşımda qeyd olunur ki, hazırda Azərbaycan qazının istehlakçısı olan ölkələrin sayı 16-dır və boru kəmərləri vasitəsilə qaz ixrac edilən ölkələrin sayına görə Azərbaycan qlobal miqyasda lider mövqedədir.

Azərbaycan qazı əsasən Cənub Qaz Dəhlizi vasitəsilə Avropa və region ölkələrinə nəql olunur. Son illərdə Avropada enerji təhlükəsizliyinin prioritetə çevrilməsi fonunda Azərbaycanın qaz ixrac coğrafiyası genişlənib.

Gülnar Nazimqızı