BP və SOCAR Özbəkistanda birgə layihə imkanlarını müzakirə edir

BP və SOCAR Özbəkistanın Üstyurt bölgəsində mümkün birgə layihə çərçivəsində əməkdaşlıq imkanlarını araşdırır. Bu barədə BP-nin Azərbaycan, Gürcüstan və Türkiyə üzrə regional prezidenti Covanni Kristofoli martın 6-da keçirilən mətbuat konfransında anews.az-ın sualına cavab verərkən bildirib.

Onun sözlərinə görə, tərəflər hazırda Özbəkistanın Üstyurt regionunda mümkün birgə fəaliyyətləri müzakirə edirlər.

“Hazırda Özbəkistanın Üstyurt bölgəsində SOCAR ilə birgə fəaliyyətləri müzakirə edirik. Əgər hər şey yoluna düşərsə, bu layihə çərçivəsində uğurlu nəticə əldə etmək üçün bacarıq və biliklərimizi SOCAR ilə birləşdirməyə imkan verəcək,” –  Kristofoli bildirib.

O əlavə edib ki, hazırda layihə üzrə yalnız ilkin müzakirələr aparılır və yekun qərar hələ qəbul edilməyib.

Gülnar Nazimqızı