Belçikanın sabiq baş naziri: Azərbaycan regionda sabitliyin mühüm dayağına çevrilir

Azərbaycan regionda sabitliyin təmin edilməsində getdikcə daha mühüm rol oynayır və bu, dünyada münaqişələrin artdığı bir dövrdə xüsusilə əhəmiyyətlidir. Bunu Belçikanın sabiq baş naziri Yves Leterme bu fikirləri Bakı Qlobal Forumu çərçivəsində çıxışı zamanı səsləndirib.

Leterme qeyd edib ki, Azərbaycanın regionda artan rolu beynəlxalq ictimaiyyət üçün mühüm əhəmiyyət daşıyır.

“Azərbaycan regionda sabitliyin mühüm dayağı kimi getdikcə daha böyük rol oynayır. Bu isə dünyada təhlükəli münaqişələrin addım-addım yayıldığı bir dövrdə xüsusilə vacibdir",- o deyib.

Sabiq baş nazir həm ölkə rəhbərliyini, həm də Azərbaycan xalqını forumun keçirilməsi münasibətilə təbrik edib və tədbirin yüksək səviyyədə təşkilinə görə təşəkkürünü bildirib.

O vurğulayıb ki, Bakı Qlobal Forumu illər keçdikcə beynəlxalq dialoq üçün daha vacib platformaya çevrilib.
“Bu forumun rolunun və əhəmiyyətinin illər keçdikcə artdığının şahidi olmuşam. Bu gün xüsusilə qeyd etməliyik ki, forumun təşkil olunduğu beynəlxalq şərait heç də asan deyil”, –  Leterme bildirib.

Gülnar Nazimqızı