Deputat irad bildirdi: bu çox təhlükəli qanundur

Deputat Nigar Apradari Milli Məclisdə çıxış edərək Uşaq hüquqları haqqında qanunu çox təhlükəli qiymətlənidirilib. Bu barədə deputat çıxışı zamanı bildirib. 

“Çox təhlükəli bir qanundur. Güclü ailə bizim milli kimliyimizin əsasını təşkil edir. Bu maddə valideynlə uşağın münasibətlərinin korlanmasına səbəb ola bilər. Onsuz da bu sahədə problemlərimiz var, daha da dərinləşdirməyə ehtiyac yoxdur. Dünyada böyük ideoloji mübarizə gedir və bu mübarizənin əsas hədəfi ailələri qorumaqdır. Bu cür qanun aldadıcı mexanizm rolunu daşıyır. Uşaqlara qarşı fiziki cəzanın qəti əleyhinəyəm. Amma bunu problemli qanunu qəbul etməklə deyil, maarifləndirmə yolu ilə etməliyik", - deputat bildirib. 

Deputat bu cür halları kim tərəfindən müəyyən edilməsi ilə bağlı da fikirlərini bölüşüb. 

“Psixoloji cəza anlayışı da var. Bunu kim müəyyən edəcək? Dövlət minlərlə psixoloq işə götürməlidir ki, uşaqlara psixoloji təziq göstərilib-yoxlanılsın? Bu qanun Azərbaycan ailəsinin möhkəmləndirilməsi strategiyasına ziddir. Hörmətli həmkarlar, bunu mən həm deputat, həm də ana kimi deyirəm", - o əlavə edib. 

Gülnar Nazimqızı