Səhiyyə Nazirliyi bayram günləri ilə bağlı əhaliyə çağırış edib

Azərbaycan Respublikasının Səhiyyə Nazirliyi yaz mövsümündə havaların qeyri-sabit keçməsi fonunda respirator xəstəliklər və mövsümi qrip hallarının arta biləcəyi barədə xəbərdarlıq edib.

Qurumun məlumatına görə, bu il Novruz bayramı və Ramazan bayramı eyni dövrə təsadüf etdiyindən qarşıdakı həftələrdə kütləvi tədbirlərin sayının artacağı gözlənilir ki, bu da yoluxma riskini yüksəldə bilər.

Nazirlik əhalinin sağlamlığının qorunması məqsədilə vətəndaşlara insanların sıx toplaşdığı məkanlarda tənəffüs yollarını qoruyan vasitələrdən istifadə etməyi, əl gigiyenasına riayət etməyi və qida rasionuna vitaminlərlə zəngin məhsullar daxil etməyi tövsiyə edib.