İranın xarici işlər naziri Azərbaycana təşəkkür edib

İranın xarici işlər naziri Seyid Abbas Əraqçi Azərbaycana göstərilən humanitar yardıma görə təşəkkür edib.

O, bu barədə sosial şəbəkə hesabında Azərbaycan dilində paylaşım edərək, Azərbaycanın həm ikitərəfli yardımına, həm də digər ölkələrin yardımlarının çatdırılması üçün yaratdığı şəraitə görə minnətdarlığını bildirib.

Əraqçi qeyd edib ki, çətin dövrlərdə göstərilən dəstək iki ölkə xalqları arasında ortaq mədəni bağlara əsaslanır.

Paylaşım Azərbaycanın İrana göndərdiyi humanitar yardım fonunda edilib.