İngiltərədə naməlum şəxs avtomobili piyadaların üzərinə sürüb, 7 nəfər yaralanıb

İngiltərənin Derbi şəhərində avtomobilin piyadaların üzərinə sürülməsi nəticəsində yeddi nəfər xəsarət alıb.Bu barədə Derbişir polisinin açıqlamasında bildirilib.

Hadisə 28 mart axşamı baş verib. Polis bütün yaralıların xəstəxanaya yerləşdirildiyini və ağır xəsarət almalarına baxmayaraq, həyatlarının təhlükədə olmadığını bildirib.

Hadisə ilə bağlı 30 yaşlarında bir kişi həbs edilib. Onun Hindistan əsilli olduğu müəyyən edilib. Polis açıqlayıb ki, hadisənin səbəbləri ilə bağlı araşdırma davam edir və şübhəlinin motivi ilə bağlı müxtəlif nəzəriyyələr nəzərdən keçirilir.