Əliyev minatəmizləyənlərin ailələrinə aylıq 700 manat təqaüd təsis edib - Fərman

Azərbaycan Prezidentinin Fərmanına əsasən, minatəmizləmə fəaliyyəti zamanı partlayıcı sursatların işə düşməsi nəticəsində həlak olan və ya xəsarət alaraq həyatını itirən minatəmizləyənlərin ailə üzvlərinə aylıq 700 manat məbləğində Prezident təqaüdü ödəniləcək.

Təqaüd aşağıdakı ailə üzvlərinə bərabər hissələrlə verilir: dul arvadına və ya ərinə, valideynlərinə, 18 yaşına çatmamış və ya 18 yaşına qədər əlilliyi müəyyən edilmiş övladlarına, uşaq evlərində tərbiyə olunan qardaş və bacılarına, birinci növbədə digər qohumları olmayan baba və nənələrinə.

Təqaüd dövlət büdcəsində Əmək və Əhalinin Sosial Müdafiəsi Nazirliyi üçün nəzərdə tutulmuş vəsait hesabına ödəniləcək və Fərmanın qüvvəyə minmə tarixindən əvvəl və sonrakı hadisələrə şamil olunur.