Fransada yanacaq tükənir

Fransa yanacaqdoldurma məntəqələrində qiymət məhdudiyyətləri səbəbindən yanacaq tükənib. 

Yaxın Şərqdəki müharibənin yaratdığı qlobal təchizat fasilələri səbəbindən qiymət məhdudiyyətləri tətbiq edildikdən sonra yüzlərlə Fransa yanacaqdoldurma məntəqəsi yanacaq çatışmazlığı ilə üzləşib.  

Fransa Energetika Nazirliyinin açıqlamasına görə, ən azı bir növ yanacaq tükənən 900 stansiyadan 700-ü "TotalEnergies SA"ya məxsusdur. Bəyanatda əlavə edilib ki, bu, daxili təchizat çatışmazlığı ilə deyil, logistika problemləri ilə bağlıdır.