Nazir: Azərbaycanda bəzi imtahan sualları bilikdən çox çaşdırmaya yönəlir

Ölkədə bəzi fənn mütəxəssisləri imtahan sualları hazırlayarkən əsas diqqəti bilik və bacarıqların ölçülməsindən çox, iştirakçıları çaşdırmağa yönəldir. Bunu elm və təhsil naziri Emin Əmrullayev bildirib.

Nazirin sözlərinə görə, xüsusilə dil və tarix fənləri üzrə hazırlanan suallarda bu yanaşma daha çox müşahidə olunur.

“Halbuki sualın əsas məqsədi insanın nəyisə bacarıb-bacarmadığını üzə çıxarmaq olmalıdır. Bu yanaşma dəyişməlidir”, – o qeyd edib.

Əmrullayev vurğulayıb ki, bu məsələ ayrı-ayrı qurumların deyil, ümumilikdə Azərbaycan pedaqogikasında mövcud olan problemdir və daha çox fənn mütəxəssislərinə yönəlmiş çağırışdır.

Gülnar Nazimqızı