Kapital Bank aktivlərini 11.57 mlrd manata çatdırıb

Kapital Bank 2025-ci ilin sonuna audit olunmuş maliyyə hesabatlarına əsasən 11.574 milyard manatlıq cəmi aktivlərlə Azərbaycanın ən böyük banklarından biri olaraq qalıb. Bunu bankın İdarə Heyəti sədrinin birinci müavini Cavid Mirzəyev çərşənbə günü  keçirilən mətbuat konfransında bildirib.
O bildirib ki, bankın cəmi kapitalı ötən ilin sonu ilə müqayisədə artaraq 1.333 milyard manata çatıb.

Onun sözlərinə görə, bankın kredit portfeli 2025-ci ilin sonunda 2.08% artaraq 5.097 milyard manat olub və bu da ümumi aktivlərin 44%-ni təşkil edib.

Bank artımı müştəri bazasının, xüsusilə pərakəndə və mikro seqmentdə genişlənməsi, həmçinin ölkə iqtisadiyyatındakı ümumi artım meylləri ilə əlaqələndirib.

Gülnar Nazimqızı