Azərbaycanın strateji valyuta ehtiyatları bir ildə 15,5% artıb

Aprelin 1-nə Azərbaycanın strateji valyuta ehtiyatları 85,17 milyard ABŞ dollarına çatıb ki, bu da illik müqayisədə 11,4 milyard dollar və ya 15,5% artım deməkdir.

Ehtiyatların 73,52 milyard dolları Dövlət Neft Fondunun, 11,66 milyard dolları isə Mərkəzi Bankın payına düşüb.

İlin ilk rübündə ölkənin strateji valyuta ehtiyatları 116,3 milyon dollar və ya 0,1% artıb. Bu dövrdə Neft Fondunun ehtiyatları 25,6 milyon dollar azaldığı halda, Mərkəzi Bankın valyuta ehtiyatları 141,9 milyon dollar və ya 1,2% yüksəlib.

İllik müqayisədə isə Neft Fondunun ehtiyatları 10,78 milyard dollar və ya 17,2%, Mərkəzi Bankın ehtiyatları isə 630,3 milyon dollar və ya 5,7% artıb.

N.Təbrizli