“Prezidentlərin görüşü sülh üçün ümid mənbəyidir”

“Azərbaycan və Ermənistan prezidentlərinin görüşü bölgədə sülh üçün ümid mənbəyidir”.APA-nın Kiyevə ezam olunmuş müxbirinin xəbərinə görə, bu sözləri ABŞ dövlət katibinin Avropa və Avrasiya işləri üzrə müavini Viktoriya Nuland ATƏT Xarici İşlər Nazirləri Şurasının 20-ci iclasında deyib. V. Nuland bildirib ki, ATƏT bir sıra problemlərlə üzləşməyə davam edir. Narahatlıq doğuran əsas tendensiya budur ki, bir sıra ATƏT ölkələrində KİV, o cümlədən onlayn media azadlığı məhdudlaşdırılmaqda davam edir, hüquq müdafiəçilərinə və qeyri-hökumət təşkilatlarına təzyiq göstərilir: “Eyni zamanda, ATƏT məkanında bir sıra həll olunmamış münaqişələr qalır. Bu bölgələrin vətəndaşları kömək gözləyir. Bu baxımdan Azərbaycan və Ermənistan prezidentlərinin görüşü bu bölgədə sülh üçün ümid mənbəyidir”.ANN.Az