Türkiyə millisinin futbolçusu ölümdən döndü

Türkiyənin A millisinə yenicə dəvət olunmuş Salih Uçan ölümdən dönüb.Qol.Az-ın məlumatına görə, Şimali İrlandiya ilə noyabrın 16-da baş tutan yoxlama matçından sonra 19 yaşlı futbolçunun bədənində qızartılar əmələ gəlib. “Fənərbaxça”lı yarımmüdafiəçi paltardəyişmə otağında olarkən nəfəs almaqda çətinlik çəkib. Bu durumdan qorxuya düşən digər oyunçular həkimə müraciət edib. Həkimlər S.Uçanı müayinə edərkən futbolçunun huşunu itirməyə doğru getdiyi üzə çıxıb. Bədənin qızartılar yaranan S.Uçana iynə vurulduqdan sonra o, yenidən rahat nəfəs almağa başlayıb.Allergik astma xəstəliyi səbəbindən bu vəziyyətə düşən oyunçunun səhhətinə diqqət yetirməsi üçün xəbərdarlıq edilib. Həkimlər onun daim yanında iynə gəzdirməli olduğunu bildirib.Qeyd edək ki, futbolçunun bədənindəki qızartıların meydanın yaşıl ot örtüyündəki gübrə səbəbindən yarandığı iddia edilir.ANN.Az