Ərdoğandan yunan baş nazirə xəbərdarlıq: "Təmkinli ol!"

Türkiyə prezidenti Rəcəb Tayyib Ərdoğan Yunanıstanda keçirilən sonuncu seçkilərdən qalib çıxan və baş nazir postuna əyləşən Aleksis Çiprasla bağlı fikrini açıqlayıb. Ərdoğan Çiprasın seçki kampaniyası zamanı ölkəsinin xarici borclarının ödənilməməsi haqqında vədini xatırladaraq "bəzi mesajlarda daha təmkinli olmalıdır" deyib.

ANN.Az xarici ölkə mediasına istinadən xəbər verir ki, Ərdoğan daha sonra bunları deyib: "Yalnız bəzi mesajlarda daha təmkinli olmaq lazımdır. Siyasət duyğusallığı sevmir. Populizmi yaxşıca tarazlaşdırmaq vacibdir. Sonra əgər o mesajların arxasında dayanılmazsa, problem ola bilər.

Türkiyə ilə bağlı Yunanıstan mövzusunda deyilənlərə o qədər də önəm vermirəm. Bundan əvvəlki ölkə liderləri ilə çox yaxşı münasibətlərimiz olub və inanıram ki, cənab Çiprasla da elə olacaq".

ANN.Az