Çin Obamanın Dalay Lama ilə görüşünə qarşı çıxır

Çin hökuməti ABŞ prezidenti Barak Obamanın Tibetin ruhani lideri Dalay Lama ilə görüşmək istəməsinə qarşı çıxıb.

ANN.Az xarici ölkə mediasına istinadən xəbər verir ki, Çin xarici işlər nazirliyinin sözçüsü Honq Ley fevralın 5-də ABŞ-da təşkil olunacaq "National Prayer Breakfast" tədbiri ərəfəsində ruhani lider Dalay Lama ilə ikili görüş keçirilməsinə münasibət bildirib və qeyd edib ki, hər hansı bir ölkə rəhbərinin Dalay Lama ilə təkbətək görüşünə qarşı çıxırlar.

Honq Ley vurğulayıb ki, Tibet məsələsi Çinin daxilində araşdırılacaq məsələdir.

ANN.Az