Bakıda daha bir yol bağlandı

Paytaxtda daha bir yolda nəqliyyatın hərəkəti məhdudlaşdırılıb.

 

Anspress-in məlumatına görə, hazırda Tiflis prospektinin (20 Yanvar dairəsi, şəhər istiqaməti) asfalt örtüyü yenilənir. Təmir işləri ilə əlaqədar olaraq prospektin 20 Yanvar dairəsindən Nəqliyyat Nazirliyinin yanınadək olan hissəsində nəqliyyatın hərəkəti məhdudlaşdırılıb. Qeyd edək ki, təmir işlərini Bakı Şəhər İcra Hakimiyyəti həyata keçirir.

 

Paytaxt yollarında müntəzəm olaraq təmir, cizgilənmə işləri aparılır. Son olaraq isə bir necə gün öncə Moskva prospekti kənar yol 20 Yanvar dairəsi istiqamətində nəqliyyat vasitələrinin hərəkəti məhdudlaşdırılmışdı.