İŞİD-ə qarşı qurudan hərbi əməliyyat başlayır

Bütün dünyanı lərzəyə salan terror təşkilatı İŞİD-ə qarşı qurudan hərbi əməliyyat başlayır.

İordaniya İnformasiya Agentliyinin (OMAN) yaydığı xəbərdə deyilir ki, İŞİD-ə qarşı Qlobal Mübarizə Koalisiyasının təmsilçisi general Con Allen açıqlamasında bildirib: "Bu yaxınlarda İraq hərbi qüvvələri beynəlxalq koalisiyanını dəstəyi ilə terror təşkilatı İŞİD-ə qarşı qurudan hərbi hərəkata başlayacaq" - deyib.

ANN.Az xarici ölkə mediasına istinadən xəbər verir ki, general beynəlxalq koalisiyanın İŞİD-ə qarşı qurudan həyata keçiriləcək əməliyyatlar zamanı 12 İraq briqadasını təlimatlandıracağını və onları silahlandırılacağını ifadə edib və hazırda 62 ölkənin birləşdiyi koalisiyanı genişləndirmək üçün Şərqi Asiya ölkələrinə də müraciətlər ediləcəyi vurğulanıb.

Allen qeyd edib ki, bu əməliyyatlar zamanı İŞİD qüvvələrinə ciddi həmlələrin vurulacağı nəzərdə tutulub.

Terror təşkilatı İŞİD-in 10 iyun 2014-cü ildən indiyə kimi Mosul və daha onra digər bölgələri ələ keçirməsindən sonra döyüşlər davam edir. ABŞ-ın rəhbərliyi ilə indiyə qədər koalisiya dövlətləri yalnız havadan İŞİD-ə qarşı hərbi əməliyyatlar gerçəkləşdirmişdilər.

ANN.Az