Ukrayna əsilli pianoçu Toronto orkestrindən çıxarıldı
07.04.2015 12:08
Toronto Simfonik Orkestri Ukrayna əsilli pianoçunu işdən çıxarıb. Səbəb onun sosial mediada Ukraynanın şərqində rusiyapərəst separatçılara rəğbət bildirən siyasi şərh yazmasıdır.
Valentina Lisitsa aprelin 6-da facebook səhifəsində yazıb ki, "söz azadlığı hüququndan yararlandığı üçün” simfoniyadan çıxarılıb.
Toronto Simfonik Orkestrinin rəhbəri Jeff Melanson bəyanatında bildirib ki, "Lisitsa-nın qızışdırıcı şərhləri orkestrdə çıxışına kölgə salıb və onunla kontrakt kəsilib”.
Ukrayna Kanada Konqresinin prezidenti Paul Grod-un sözlərinə görə, Lisitsa Ukrayna hökumətini "nasist” adlandırıb, etnik ruslar üçün "filtrasiya düşərgələri” qurduğunu iddia edib.
Lisitsa 1973-cü ildə Kiyevdə doğulub, 1991-ci ildə ABŞ-a mühacirət edib. O, etnik rus və polyak olduğunu deyir.
Kanadada 1.25 milyon ukraynalı yaşayır. Ottava Ukraynanın rusiyapərəst silahlılarla mübarizəsini qızğın müdafiə edənlərdəndir.
Azadliq.org
www.ann.az
Oxşar xəbərlər
Oxşar xəbərlər
Foto 
Video 
