Ərdoğan ermənilərə başsağlığı verdi

"Dəyərli erməni vətəndaşlarım”.

Türkiyə prezidenti Rəcəb Tayyib Ərdoğan Türkiyə ermənilərinin patriarx əvəzi Aram Atəşyana 1915-ci il hadisələri ilə bağlı müraciət göndərib.  

Oxu.Az "Milliyyət”ə istinadla xəbər verir ki, Ərdoğanın müraciəti baş rahib Tatul Anuşyan tərəfindən Kumkapı Meryem Ana Kilisəsində oxunub. 

Türkiyə prezidenti müraciətində ermənilərə başsağlığı verib. 

"Erməni vətəndaşlar üçün özəl bir məna daşıyan bu gündə, Birinci Dünya Müharibəsində həyatını itirən bütün osmanlı ermənilərini bir daha hörmətlə anıram, uşaqlarına və nəvələrinə başsağlığı verirəm.

Osmanlı İmperiyasında və cumhuriyyətimiz üçün etdikləri iqtsiadi, sosial, mədəni, siyasi töhfələrini daima hörmətlə xatırladığımız erməni toplumunun xatirələrini gözəl duyğularla yad edirəm”, - Ərdoğan deyib.   

Prezident müraciətində "dəyərli erməni vətəndaşlarım” deyərək belə davam edib: 

"İnsanlığın ən böyük fəlakətlərindən olan Birinci Dünya Müharibəsi zamanı Osmanlı İmperiyasının sərhədlərində də hər millətin milyonlarla insanı əbədiyyətə qovuşdu. Bu müharibədə etnik və dini mənsubluğundan fərqli olmayaraq həyatlarını itirən Osmanlı vətəndaşlarının hamısına rəhmət diləyirəm. Türkiyə Cumhuriyyəti bu gün də hüzur, barış və qardaşlıq təməlində daha gözəl günlərə qovuşmaq üçün etnik və dini mənsubiyyətindən fərqli olmayaraq bütün vətəndaşları, dostları ilə çalışır, mübarizə aparır”. 

Ərdoğanın qeyd edib ki, erməni toplumunun keçmişdə yaşadığı üzüntü gətirən hadisələrlə bağlı acılarını səmimiyyətlə yad edirəm: 

"Osmanlı ermənilərinin dünyanın hər yerindəki nəvələrinin könül qapılarımızın sona qədər açıq olduğunu da bilmələrini istəyirəm.  Sizi ən səmimi duyğularımla salamlayıram, hər birinizə sevgilərimi, sayğılarımı bildirirəm”.