İlk Avropa Oyunlarının şərəfinə animasiyalar - FOTO

İstedadlı gürcü illüstrator Mariam Kutidze Azərbaycanda keçirilən Birinci Avropa Oyunlarının şərəfinə animasiyalar seriyası yaradıb.

ANS PRESS-in məlumatına görə, Buro 24/7 Azerbaijan saytı üçün hazırlanan animasiyalarda Avropa Oyunlarının proqramına daxil olan idman növlərindən - cüdo, karate, qılıncoynatma, avarçəkmə və atıcılıq əks olunub. 

Qeyd edək ki, iyunun 28-dək davam edəcək Bakı 2015 Avropa Oyunları bütün qitə üçün həyəcanverici və innovativ çoxsaylı idman yarışlarını özündə birləşdirən ilk böyük idman tədbiridir. Avropa Oyunları ümumilikdə, 20 idman növü üzrə keçiriləcək: bunlardan 16-sı olimpiya, 4-ü qeyri-olimpiya idman növündə olacaq.