Xosep Bartomeu “Barselona” futbol klubunun prezidenti seçilib

Xosep Bartomeu 6 il müddətinə İspaniyanın "Barselona” futbol klubunun prezidenti seçilib.

APA-nın "TASS”a istinadən verdiyi xəbərə görə, bu barədə klubun saytında bildirilir.
 
Səsvermənin nəticələrinə əsasən, Bartomeu 54,63%, Joan Laporta 33,03%, Aqusti Benedito 7,16% və Toni Freyşa 3,7% səs toplayıblar.
 
Qeyd edək ki  Xosep Bartomeu 2014-cü ilin yanvarın 23-dən 2015-ci ilin iyunun 9-dək "Barselona” futbol klubunun prezidenti vəzifəsini icra edib. O iyunun 9-da namizədliyini yeni seçkilərdə irəli sürmək məqsədilə istefa verib. 



www.ann.az