"Yaxşı oyunun şahidi olduq. Meydan mübarizə var idi. Erkən qolla hesabı açdıq. Rəqibin böyük qüvvəi ilə irəli atılıb üzərimizdə təzyiq yaratması normal idi. Ani diqqətsizlikdən qol buraxdıq. İkinci hissədə isə oyunu bərabərləşdirə bildik. Komandama təşəkkür edirəm. Səfərdə çempiona qarşı bu cür mübarizəyə alqış düşür".
39 yaşlı mütəxəssis bildirib ki, futbol hesaba görə oynanılır: "Rəqib də qol vurandan sonra tam fərqli oynayır. Hesab 1:1 olarkən böyük qüvvə ilə irəli atıla bilməzdik. Bu, böyük ağılsızlıq olardı. Müdafiədə bəzi futbolçularımız yoruldu. Ona görə də ehtiyatlı oynadıq. Yaxşı hücumlarımız olsa da, sonluğunu gətirə bilmədik".
Mütəxəssis komandasından razı qaldığını vurğulayıb: "Mənim üçün nəticə hər şey demək deyil. Komandanın mübarizə aparması daha önəmlidir. Bu gün qələbə qazanıb, oyunu sönük keçirsəydik, razı qalmazdım. Bu tempdə davam etsək, komanda daha da inkişaf edəcək".
Sadıqov yığmanın baş məşqçisi vəzifəsinə namizəd göstərilməsinə də münasibət bildirib: "Kimsə adımı səsləndirib məni yığmanın sükanı arxasına layiq görürsə, sağ olsun. Hansısa klubdan təklif alsam, götür-qoy edərəm. Amma yığmadan nə vaxt təklif gəlsə, düşünmədən qəbul edərəm. 18 yaşımdan millidə oynamışam. Çünki mənim doğma komandamdır. Heç vaxt yığmadan gələn təklifə "yox" demərəm".
www.anews.az
Bizi sosial şəbəkələrdə izləyin !
