Dünyanın ən iri poçt-satış şirkətlərindən biri olan Almaniyanın Otto Group konserni rublun məzənnəsinin aşağı düşməsi ilə əlaqədar Rusiyada qiymətləri yenidən nəzərdən keçirmək məcburiyyətindədir.

ANN.Az AzərTAc-a istinadən xəbər verir ki, bu barədə şirkətin Rusiya bölməsinin rəhbəri Martin Şirer məlumat verib. Onun sözlərinə görə, konsern Rusiyada qiymətləri son aylar artıq ikinci dəfə 10-15 faiz qaldırmağı planlaşdırır. Bundan başqa Otto bu ölkədə, əsasən yeni müştəriləri cəlb etmək sahəsində investisiyaları azaltmaq fikrindədir.

Bununla da mənzil-qərargahı Hamburq şəhərində yerləşən konsern Rusiya bazarında fəaliyyətini genişləndirmək barədə verdiyi bəyanatdan imtina etmək məcburiyyətində qalıb.

Konsernin RF bölməsində 2 minə yaxın işçisi çalışır. Keçən il ticarət dövriyyəsi 550 milyon avro olan şirkətin gəlirinin bu il xeyli azalacağı ehtimal olunu

ANN.Az