"Siz Rumıniyada Azərbaycan haqqında bir çox təhrif olunmuş yazılar görə bilərsiniz. Demək olar ki, Azərbaycanı SOCAR-la tanıyırlar. Məndən soruşmayın niyə belədir. İş aparmaq lazımdır. Sözlərdən çox əmələ keçməliyik. Rumıniyada Azərbaycan mədəniyyətini təmsil edən yoxdur. Nə üçün? Azərbaycan ədəbiyyatı nə üçün rumin dilində təmsil olunmasın? Mən həmkarıma da demişəm ki, bərabər iş görək. Niyə Azərbaycana gəlmək üçün İstanbuldan 6 saata uçuş etməliyik? Bu kimi məsələlər həll olunmalıdır, -səfir Bakıda Ticarət-iqtisadi əlaqələr və elmi-texniki əməkdaşlıq üzrə Azərbaycan-Rumıniya hökumətlərarası Müştərək Komissiyanın 8-ci iclasında bildirib.

 

Nazir Sahil Babayev səfirə cavab olaraq bildirib ki, bundan sonrakı mərhələdə daha da fəal olmaq vacibdir.